نور المقاومة

الأوله آه
و التانية آه
و التالته آه

الأوله جرحنا
و التانية نكبتنا
و التالته من قهرناعايشين بحسرتنا

الأوله جرحنا و مكتوب عليه بلفور
و التانية نكبتنا و تقسيم خريطة نور
و التالتة من قهرنا عايشين بحسرتنا و بغداد عليها الدور

الأوله جرحنا و مكتوب عليه بلفور ويا وعد خلانا
و التانية نكبتنا و تقسيم خريطة نور وفى الشتات خلانا
و التالتة من قهرنا عايشين بحسرتنا و بغداد عليها الدور يا أعمام و خلانا

الأوله عتمة
و التانية كاتمة
و التالته نور

الأوله عتمة و معششة فى الليل
و التانية كاتمة لنبض القلب و المواويل
و التالتة نور المقاومة طلته قنديل

يا نور و طالع
من روح همتك يا بيوت
رافضة السكوت تانى
غضبانه تصرخ لأ
تهتف تعلى الصوت
مقهورة و بتنتفض
لحظة طلوع الموت
حزينة لكنها
بتعد عدتها
و تجهز صفوفها ليوم
إسود على الظالم
أبيض على المظلوم
و تجيش المؤمنين
بالحق و المعلوم
يا أمة لا تحزنى
الفجر جايب معاه الندى
و الصبح متحنى
و كل يوم بيمر
مهما يزيد الألم
و ندوق معاه المر
تتعدل المواعيد
و تقربك يا بعيد
طول مع الأيادى ايد
طول ما الإرادة حديد
و نغنى صحبة نشيد
واحد ملوش تانى

الأوله آ آهــــــــه
و التانية جراحــة
و التالتة عاش السلاح
حاضن قلوب فرسان
ما يعرفوش راحة
_________________